Iraitz Arabolazaren kartelak iragarriko ditu aurtengo xanistebanak
32 lanen artean aukeratu dute Arabolazaren kartela, 600 euroko saria ere jaso du. Eneko Salaberria izan da oiartzuar onena.
Aurtengo xanistebanek badute kartela, atzo aukeratu zuten abuztuko jaiak iragarriko dituen lana. Iraitz Arabolazaren lana aukeratu dute epaileek 32 lanen artean, 600 euro jaso ditu. Eneko Salaberria izan da oiartzuar onena, 300 euroko saria eman diote hari. 50 euroko hiru akzesita ere banatu dituzte, Angel Blanco Egoskozabal, Elurtza Mitxelena Mitxelena eta Ekiñe Irazusta Arozenari eman dizkiote hain zuzen. Azkenik, Abel Eguzkitza Martinez eta Ipar Martin Ansa eta Aiert Ortega Urdanpileta bikoteak 100TZE Sormen Espazioko beka bana eskuratu dute.
Ondorengoek parte hartu dute aukeraketa prozesuan: Aitor Txiki txapelketa; Aldeguna elkartea; Ardi Latxa elkartea; Arraztalo elkartea; Artaso elkartea; Aska Itzank Animaliak (AIA); Auzokalte elkartea; Biyurrienea; Elizaldeko Guraso Elkartea; Ernai; Esku Garbia elkartea; Girizia pilota saila; Hatzamarka; Haurtzaro Ikastola; Ibargain elkartea; Ibargain Musika Eskola; Lartaungo txistulariak; Lartaun zikloturistak; Martzelina bertso elkartea; Mindara; Oiarpe; Oiartzungo ezkilajoleak; Oiartzungo Feministen Asanblada; Oidultz; Olarri eta OMTE.
