Galtzarabordako kiroldegiko tabernaren eta Beraungo estadioko kantinaren ustiaketa, lehiaketara
Bi kirol azpiegituretako zerbitzuak kudeatu nahi dituztenek hilaren 30era arteko epea dute eskaintzak aurkezteko. Bi lizitazio independente dira.
Galtzarabordako Udal Kiroldegiko kafetegi-tabernaren eta Beraungo estadioko kantina nork ustiatu erabakitzeko lehiaketa publikoa abiarazi du Errenteriako Udalak. Bi lizitazio independente dira. Lehiaketaren dokumentazioa eta baldintzak Errenteriako Udalaren webgunean ikus daitezke. Eskaintzak aurkezteko epea hilaren 30ean bukatuko da.
Galtzarabordako kiroldegiko taberna-kafetegiaren kasuan, urteko 5.400 euroko kanona ordaindu beharko dute (zergak barne) kudeaketa eskubidea bere egiten dutenek. Horri garbiketa gastuak eta elektrizitatekoak erantsi behar zaio; bertan ez da hasierako inbertsorik egin behar.
Beraungo estadioko kantina ustiatuko dutenek, berriz, urteko 3.000 euroko kanona ordaindu beharko dute, horri garbiketa gastuak erantsiz.
