ETEi zuzendutako 2020ko laguntza plana aurkeztuko dute Oiartzunen
600 milioi eurotik gorako aurrekontua du aurtengo planak. Bertaratzeko interesa duten enpresek aldez aurretik izena eman beharko dute.
Eusko Jaurlaritzak jakinarazi du datorren hilaren 16an (osteguna da) aurkeztuko dutela Oiartzunen Enpresa Txiki eta Ertainentzako 2022ko laguntza plana. Honetan 74 programa bildu dituzte, eta 600 milioi eurotik gorako aurrekontua du planak. Laguntza hauen helburua, jaurlaritzako iturrien arabera, “ekonomia suspertzea eta enplegua sortzea” da, “arreta berezia eskainiz Euskadiren garapen inklusibo eta jasangarriari”.
Oarsoaldeko Garapen Agentziarekin elkarlanean antolatu dute osteguneko aurkezpena, eta Zinealdean egitea erabaki dute. 9:30etik 11:30era luzatuko dute.
Bertaratzeko interesa dutenek aldez aurretik izena eman beharko dute, lotura honetan. Informazio eta xehetasun gehiago, webgune honetan kontsulta daiteke.
