Ongi etorri, Euskal Jaiak
Gaurtik igandera arte Euskal Jaiak egingo dituzte Lezon. Egunik indartsuena biharkoa da, tartean Sagardo Eguna delarik.
Lezoko Dantzazaleek hainbat ekitaldi egingo dituzte bihar. Argazkia: Lezoko Dantzazaleak. Gaur hasiko dira Lezoko Euskal Jaiak. Igandera arte, asteburu oparoa izango du lezoarrek eta bisitariek, herriko eragileek hainbat jarduera eta ekitaldi antolatu baitituzte. Horietatik lehena gaur bertan da, 21:00etan Bekoerrota kiroldegian. Murixka Dantza Taldeko kideek ikasturte bukaerako ikuskizuna emango dute.
Biharkoa da jarduera gehien dauden eguna. Goizeko dianatik hasita, gaueko dantzaldiraino izango da zer egin, tartean 18:00etan hasiko den Sagardo Eguna dagoela, herriko baserritarren sagardoarekin.
Honakoa da Lezoko Euskal Jaien egitaraua:
Gaur (ostirala)
- 21:00etan, Bekoerrota kiroldegian, Murixka Dantza Taldearen ikasturte bukaerako emanaldia.
Bihar (larunbata)
- 09:30ean, diana Munttar Lezoko Txistulari Taldearekin.
- 11:00etan, Lezoko Dantzazaleen erromeria
- 12:30ean, Gurutze Santuaren plazan, Lezoko Dantzazaleekin eta Patxi Perezen taldearekin dantzaldia.
- 14:30ean, Euskal Dantzazaleen bazkaria Goiko Plazan.
- 18:00etan, Sagardo Eguna.
Etzi (igandea)
- 09:30ean, diana Munttar Lezoko Txistulari taldearekin.
- 12:30ean, Gurutze Santuaren plazan, herri kirolak. Pentatloian, Karmele Gisasola Uxue Dorronsoro; altuerako aizkora lanean: Manolo Cañamares.
- 20:30ean, dantzaldia Gurutze Santuaren plazan.
