Bukatu da laugarren Pasaiako Dantza Festibala, eta asteburu luzeak Antxon utziriko zenbait argazki bildu ditu HITZAk.
Iker Murillo Studio24-ko ikasleek erakustaldia eskaini zuten larunbat arratsaldean. 
Seguru aski, ez da hitzik 2022ko Pasaiako Dantza Festibalak Antxon sorrarazitakoa egoki deskriba dezakeenik. 16 dantza ekitaldi, 10 ordutik gorako doako dantza eskaintza, 11 konpainia profesionalen lanak, herriko elkarte eta dantza eskolen emanaldiak… Orotariko kolore, doinu eta erritmoz josi dute horiek guztiek Antxo azken egunotan.
Birritan esan dute antolatzaileek: denontzat da PDF. “Ulertuentzat” ez ezik, baita “irakasten uzten direnentzat” ere.
“Zuhurtziaz begiratzen dutenentzat eta baita hunkitzen direnentzat ere”.
Leialentzat, emanaldiak hasi baino aski lehenago tokia hartuta zutenentzat. Baina baita bertatik kasualitatez pasa eta, lehen aldiz, eserlekua hartu dutenentzat. “Dantzari esker une batez denboraren nozioa galtzea lortu eta gorputzen joan etorrietan ikusmena desbideratuz, haien sentimenduak bideratzea lortzen dituztenentzat”.
Eta lortu dute. Aurten, bizi-mugarik gabe.
Esandakoaren isla garbi, horra hor zenbait argazki.
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako.
