Beñat Garaiar, Gipuzkoako txapeldun
Asteartean Aizarnazabalgo (Gipuzkoa) errepideetan jokatutako erlojupekoan azkarrena izan zen oiartzuarra.
![](https://oarsoaldea.hitza.eus/site/files/2022/03/benat-garaiar.jpg)
Beñat Garaiar oiartzuar gazteak beste garaikur batekin itzuli da etxera. Gipuzkoako txapeldun izan da errepidean, asteartean Aizarnazabalen jokatutako erlojupekoan azkarrena izan baitzen. Augar-Laguntasuna klubeko txirrindularia 15 partaideetatik onena izan zen, 20:20ko denbora ezarri zuen, Eneko Ortega eta Iker Zabaletaren aurretik.
Larunbatean (hilak 18) Mendatan (Bizkaia) izango da oiartzuarra, bertan jokatuko baitu Euskadiko Txapelketa.