[Galeria] Irlanda ezagutzeko aukera, Bixi-Bixirekin
Aurtengo Gora Herriak! jardunaldiak bukatutzat eman ditu Donibaneko elkarteak gaurko ekitaldiarekin. Ospakizunak azken ordura arte luzatu dira Meipiko plazan.
Bixi-bixik Gora Herriak! jardunaldien azken ospakizuna egin du gaur. Pasai Donibaneko Bixi-Bixi elkarteak aurtengo Gora Herriak! jardunaldien azken eguna izan du gaur. Beroari aurre eginez, bazkaria antolatu du elkarteak. Azken bi asteetan egin dituen ekitaldiei amaiera emateko asmoz, bildu ditu Bixi-Bixik sanjuandarrak Meipiko plazan.
Bertan, bazkaria egiteaz aparte, dantzarako eta kulturarako tartea izan da, eta hurrengo urterako gonbidatuak jakinarazi dituzte. 2023an, jardunaldiak ez dira herrialde jakin baten omenez egingo. Munduko herrialde ezberdinetako errefuxiatuek hartuko dute protagonismoa hurrengo urtean.
Ondokoak Donibanen bizi izan den giroaren hainbat argazki dira.
