Bigarren hasi du liga Sanpedrotarra Arraun Elkarteak
Kepa Deun Arrantzaleen Kofradia XXII. Ikurrinagatiko lehian bigarren sailkatu dira moreak; atzetik Hondarribia eta laugarren San Juan.
Bigarren ekin dio Sanpedrotarrak denboraldiari. [Argazkia: Sanpedrotarra Arraun Elkartea]. 
ETE eta KAE Ligei hasiera eman zien atzo, igandearekin, Pasaiako badian lehiaturiko estropadak. Gizonak Kepa Deun Arrantzaleen Kofradia XXII. Ikurrinagatiko lehian uretaratu ziren, eta onenetik (Arkote) bi segundora sailkatu zen Sanpedrotarra. Moreen jarraian, hurrenez hurren, Hondarribia eta San Juan.
Oarso Bidasoko KAE 1eko traineruek, beraz, gorenean ekin diote denboraldiari. Izan ere, atzokoa izanik lehen estropada, horrela baitago oraingoz sailkapen orokorra ere.
Hondarribia hirugarren txandan atera zen, eta gogor, gainera, lehien bi ziabogak sanpedrotarrek baino bizkorrago osatu baitzituen. Azkenean egon zen gakoa, etxekoek segundo bateko aldea atera baitzieten hor berdeei, 21:01,57eko denborarekin bukatu zuelarik Ama Guadalupekoak, eta 20:59,14 zifrekin, aldiz, Libiak. Erreka ontzia horien jarraian sailkatu zen, 21:01,69 denborarekin.
Esandakoarekin, horrela da, gaur-gaurkoz, sailkapen orokorra:
- 1º ARKOTE SEGUROS BILBAO 20:57,58. / 12 puntu.
- 2º SANPEDROTARRA 20:59,14. / 11 puntu.
- 3º MATRIX HONDARRIBIA 21:01,57. / 10 puntu.
- 4º SAN JUAN 21:01,69. / 9 puntu.
- 5º ZARAUTZ GESALAGA OKELAN 21:03,35. / 8 puntu.
- 6º DEUSTO BILBAO 21:11,15. / 7 puntu.
- 7º S.D.R. PEDREÑA 21:11,31. / 6 puntu.
- 8º CASTRO MARINERA 21:13,47. / 5 puntu.
- 9º CAMARGO CUEVA EL PENDO 21:16,44. / 4 puntu.
- 10º DELTECO ZUMAIA 21:16,90. / 3 puntu.
- 11º ORIO ORIALKI 21:30,38. / 2 puntu.
- 12º BUSTURIALDEA 21:38,07. / 1 puntu.
