Aurten bai, San Joan bezperan suak eta dantzak hartuko dituzte plazak

Trintxerpetarrek 20:00etan egin dute hitzordua, Gudarien plazan. Antxotarrak beranduago hasiko dira, 22:30ean, Gure Zumardian.

San Joan bezperako dantzak, Trintxerpen.

Etzi, osteguna, San Joan bezperarekin, plazak su eta dantzaz beteko dituzte urteroko legez pasaitarrek. Oraingoz bi hitzorduren berri eman dute antolatzaileek: Trintxerpen bata, eta Antxon bestea.

Illunbe Musika Elkarteak Gudarien plazan antolatu du dantza; 20:00etatik aurrera, zuhaitz inguruan arituko da Illunbe Dantza taldea, txistularien musikak lagunduta.

Antxotarren kasuan, Gure Zumardian dute bertoko bizilagunek hitzordua. Alkartasuna Euskal Dantza Taldeak udako solstizioa antolatu du, 22:30etik aurrera. Plazan egingo dute “urteko gaurik ederrena ospatzeko soka-dantza”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.