Anbulatorioak ixtearen aurkako mozioa plenora eramango du EH Bilduk
Datorren asterako ezarri dute ezohiko udalbatzarrerako hitzordua. Eztabaidagai egongo den mozio bakarra izango da koalizio abertzalearena.
Udaletxeko pleno aretoan egingo dute, ohi bezala, hurrengo udalbatzarra ere. 
Pasaiako udal arduradunek ezohiko udalbatzarra deitu dute datorren ostegunerako (hilak 30). 18:00etan, udaletxean, hasiko den bilkura horretan mahai gainean izango diren eztabaidagaien berri eman dute dagoeneko. Horratx:
- Xedapen ofizialak eta Alkatetzaren eta zinegotzi ordezkarien ebazpenen berri ematea, eta Tokiko Gobernu Batzarreko akordioen berri ematea.
GIZARTE EKINTZA - Onartzea Gipuzkoako Foru Aldundiaren eta udalaren arteko hitzarmena, etxez etxeko laguntza zerbitzua elkarrekin finantzatzeko.
OGASUNA - Kreditu aldaketen berri ematea.
- 2021. urteko barne-kontrolari buruzko Kontu-hartzailearen txostenaren berri ematea.
- Onartzea 2022ko Aurrekontuko Dirulaguntzen Eranskinaren aldaketa eta kreditu aldaketa.
- 2021eko Kontu Orokorraren behin betiko onarpena.
PERTSONALA ETA ANTOLAKUNTZA - Langile baten bateragarritasuna baimentzea.
MOZIOAK - Pasaiako EH Bildu udal taldeak aurkeztutako mozioa, Osakidetzako herrietako anbulatorioak ixtearen aurka eta osasun sistema publikoa indartzea eskatzeko.
- Galde-eskeak.
