Pirinioetako Bidea: Lezotik autobusak aterako dira Jaizkibelera
Jaizkibelgo begiratoki ingurua argiztatzea dagokio lezoarrei uztailaren 2an. Hara joateko autobusak antolatu ditu Gure Eskuk.
![](https://oarsoaldea.hitza.eus/site/files/2022/06/pirinioetakobidea.png)
Uztailaren 2an, larunbata, izango da Pirinioetako Bidearen eguna. Jaizkibeldik hasi eta Kataluniako Mediterraneo arteko 300 gailur baino gehiago argiztatuko dira Euskal Herrian Gure Eskuren ekimenez. Lezoarrei Jaizkibelgo begiratoki ingurua argiztatzea dagokie, eta herriko Gure Eskuren lantaldeak autobusak antolatu ditu harta joateko. Aurrez, ordea, girotze ekitaldia izango da Guadalupeko soroetan (15:00etan).
Jaizkibelera joateko Lezoko autobusak 18:30ean aterako dira kioskotik (Sotxo tabernaren paretik). Horiek erabiltzeko, ordea, aurrez izena eman behar da. Sotxon bertan, Txingurrin eta Tiñelun daude apuntatzeko zerrendak. Autobusa erabiliko dutenek borondatearen truk izango dute plaza ibilgailuan. Gainera, Gure Eskuk oroitarazi du autobuserako bakarrik ez, uztailaren 2ko argiztapen erraldoian parte hartzeko izena eman behar dela (sakatu hemen).