San Pedro, Zumaiako banderatik hasperen batera

KAE 1 Ligako arraunlariek bigarren jardunaldia izan dute jokoan asteburuan, eta sasoiari hasiera eman diote KAE 2koek.

'Libia' ontzia lehiarako prestatzen, Zumaian. [Argazkia: Sanpedrotarra Arraun Elkartea].

Asteburu oparoa izan da joan dena Oarso-Bidasoko arraun zaleentzat, KAE 1 Ligak bigarren jardunaldia izan baitzuen jokoan atzo; ETEk estropada bana larunbat eta igandean; eta KAE 2 Mailakoek lehen lehia izan baitzuten larunbatean.

Atzo eguerdian lehiatu zen Zumaian 2022ko KAE 1 Ligako bigarren estropada: Zumaiako XXXVII. Ikurriña, eta bertan izan ziren Oarso-Bidasoko kategoria horretako ordezkariak: San Pedro, San Juan eta Hondarribia.

Libia bandera eskuratzerik hasperen batera gelditu zen, bigarren sailkatuz, Arkoteren atzetik, 5 segundo pasatxoko aldearekin. Erreka ontzia bosgarren izan zen atzoko sailkapen palmaresean, eta zazpigarren Ama Guadalupekoa.

KAE 2koek asteburuan ekin diote sasoiko norgehiagokari. Joan den larunbatean Donibane Lohizune Ziburuko XXX. Ikurriña lortzeko estropada izan zuten estreinakoa, eta onena ematen aritu ziren Hibaika nahiz Trintxerpe. Errenteria-Oreretakoak bosgarren gelditu ziren, eta bederatzigarren egin zuten pasaitarrek.

ETE Ligako emakume arraunlariek hitzordu bikoitza izan zuten larunbat eta igandean, Donibane Lohizunen (Lapurdi) eta Zumaian, hurrenez hurren. Hemen klik eginda irakur daiteke jardunaldi horien kronika. Aurrerapena: bandera bat Hondarribian gelditu zen, eta Hibaika garaipenaren ateetan izan zen bietan.

Horra hor KAE 1 eta KAE 2ko sailkapen orokorra, azken estropadetan egindakoarekin:

  • 1. taldearen sailkapena
    1º ARKOTE SEGUROS BILBAO 24
    2º SAN PEDRO 22
    3º ZARAUTZ GESALAGA OKELAN 17
    4º SAN JUAN 17
    5º S.D.R. PEDREÑA 16
    6º MATRIX HONDARRIBIA 16
    7º CASTRO BRUNO SAEZ 12
    8º DEUSTO BILBAO 11
    9º CAMARGO CUEVA EL PENDO 9
    10º DELTECO ZUMAIA 6
    11º BUSTURIALDEA 3
    12º ORIO ORIALKI 3
  • 2. taldearen sailkapena
    1º LAPURDI 9
    2º MUTRIKU 8
    3º PORTUGALETE 7
    4º ASTILLERO 6
    5º HIBAIKA SUSPERREGI EDUKIONTZIAK 5
    6º DONOSTIARRA 4
    7º IRC SANTOÑA 3
    8º CASTRO MARINERA 2
    9º TRINTXERPE 1
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.