Uraren hornidura eta estolderia tasak ordaintzeko epea, irekita
Zerga-bilketa epea zabalik da dagoeneko, eta abuztuaren 16a izango da horretarako azken eguna.
Ura eta Estolderia tasak ordaintzeko epea irekia dago. Ogasun saileko ordezkariek hartutako erabakiaren bidez, 2022ko lehen hiruhilekoari dagokion Uraren Hornidura eta Estolderia zerbitzuagatik tasaren errolda onetsi ondoren, jendaurreko informaziora jartzen da. Horrez gain, Gipuzkoako Lurralde Historikoko Zerga-bilketa Araudiak onesten duen abuztuaren 2ko 38/2006 Foru Dekretuaren 18. artikuluan galdatzen den borondatezko zerga-bilketaren epea eta modua adierazten dira, honako arauen arabera:
1. Agertzen den tokia: Errenteriako Udalaren ZU! Arreta zerbitzua.
2. Aztertzeko epea: Iragarki hori Gipuzkoako Aldizkari Ofizialean argitaratu eta biharamunetik aurrera hilabete.
3. Erreklamazioak aurkezteko epea: Hilabetekoa, 2. puntuan adierazi bezala.
4. Erreklamazioak jartzen diren organoa: Ogasun Saileko Delegatua.
5. Erreklamazioak aurkezteko tokia: Errenteriako Udalaren ZU! Arreta zerbitzua.
6. Adierazi epean zehar ez bada inolako erreklamaziorik egiten, behin betirako onartutzat joko da.
7. Zerga-bilketa epea: 2022ko ekainaren 28tik abuztuaren 16a arte, biak barne. Lurralde Historikoko Zerga-bilketa Araudiaren arabera, adierazitako epe hori bukatu ondoren, premiamendu bidezko derrigorrezko jardunbideari ekingo zaio besterik gabe eta ordaindu ez diren kuotak epe exekutiboari dagozkion errekarguarekin kobratuko dira, baita atzerapen korrituak eta, dagozkion kasietan, sortzen diren ekintzen gastuak ere.
8. Sarrera modua: Helbideratutako ordainagiriak borondatezko epearen azken egunean, hau da, abuztuaren 16an kargatuko dira baimendutako entitate eta kontuan.
Ordainagiria helbideratuta ez daukaten zergadunek, beren ordainketak udalaren ZU! Arreta zerbitzuan edo edozein entitate laguntzailetan egin ditzakete aurrez aipatutako epea bukatu bitartean.
