[Bideoa eta argazki galeria] Lezoarrek ere erabakitzeko eskubideari argia eman diote
Ehunka izan ziren Jaizkibelen Pirinioetako Bideari ekarpena egin zioten lezoarrak. Mikel Arrizabalaga izan zuten gogoan.
Pirinioetako Bidea larunbat gaueko egitasmo erraldoiaren zati izan ziren lezoarrak. Jaizkibel inguruan izan ziren ehunka herritar, argiak soinean, Gure Eskuk eta Kataluniako hainbat eragilek ezarritako mezudun erronka baiesten. Erabakitzeko eskubidea eta ahalmena izatearen argiztapena izan zen larunbatekoa, Frantziako nahiz Espainiako estatuek entzun beharrekoa, nahiz Europara zabaldu beharrekoa. “Eskerrik asko bihotzez Jaizkibel argiztatzera etorri zineten lezoar guztiei. Lezoarrok argi daukagu: gure etorkizuna erabaki nahi dugu!“, esan dute Lezoko Gure Eskuren lantaldeko kideek.
Ekitaldian bereziki gogoan izan zuen Mikel Arrizabalaga. Lezoko alkate izandakoak (apirilean hil zen) aktiboki parte hartzen zuen Gure Eskuren lantaldean, eta gainera, Jaizkibel mendiaren maitale eta defendatzaile sutsua zen.
Jarraian, larunbateko hainbat argazki eta bideoa:
