Musika Eskolak matrikulazio epea luzatuko du
Idazkaritza uztailaren 29ra arte egongo da zabalik, eta arduradunek 2022/2023 ikasturteko matrikulazioa egiteko aukera luzatuko dute.
Musika eskolan matrikulatzeko aukera egongo da hilabete bukaera arte. Argazkia: Pasaiako Musika Eskola. Pasaiako Musika Eskolak zenbait ohartarazpen egin nahi izan ditu. Izan ere, gaur, uztailaren 8an, datorren 2022/2023 ikasturterako matrikulazio epea bukatzen da berez. Hala ere, musika eskolatik datorren asteetan izena emateko aukerak indarrean jarraituko duela ohartarazi dute. Hori dela eta, idazkaritza zabalik egongo da uztailaren 29ra arte, ostirala, goizeko 09:00etatik eguerdiko 13:00etara.
Informazio gehigarria esteka honetan eskuratu daiteke, eta eskolak 943 396 055 telefonoa jarri du eskuragarri ere.
