Hibaika hirugarren sailkatu zen atzo Portugaleten
Hibaikako gizonezkoek asteburu ona burutu dute Portugaleteko uretan. Guztira, 12 puntu eskuratu dituzte errenteriarrek.
Hibaikak hirugarren egin zuen igandean Portugaleteko uretan. Kae2 Ligako traineruek Portugaleten izan zuten hitzordua asteburu honetan. Emakumezkoen antzera, bi egunetara jokatu zen Portugaleteko Uri Urena XL. bandera.
Bi jardunaldiak Lapurdirentzat izan ziren, orain arteko lider ukaezina. Jokatutako bost estropadetatik bostak irabazi baitituzte.
Hibaikak, hirugarren mailan oarso bidasoko ordezkari bakarrak, asteburu bikaina burutu zuen. Larunbatean bosgarren sailkatua izan zen 21:35,78ko denborarekin eta 5 puntu eskuratuz. Igandean, berriz, hirugarren izan ziren errenteriarrak Lapurdiren eta Donostiarraren atzetik.
Sailkapen orokorra
| Elkartea | Puntuak | |
|---|---|---|
| 1º | LAPURDI ANTTON BILBAO | 45 |
| 2º | DONOSTIARRA | 34 |
| 3º | HIBAIKA SUSPERREGI EDUKIONTZIAK | 31 |
| 4º | MUTRIKU | 28 |
| 5º | PORTUGALETE | 28 |
| 6º | ASTILLERO | 24 |
| 7º | IRC SANTOÑA | 16 |
| 8º | CASTRO MARINERA | 14 |
| 9º | TRINTXERPE | 5 |
