Uztailaren 24an, itsas kayakeko segurtasun eta erreskate ikastaroa
Pasaia kayakek antolatuta, goizeko 09:00etatik eguerdiko 14:00etara izango da, Trintxerpeko Hospitalilloko kaian.
Datorren uztailaren 24an, igandea, Pasaia Kayakek itsas kayakeko segurtasun eta erreskate ikastaroa eskainiko du. Topalekua Trintxerpeko Hospitalillo kaia izango da, eta ikastaroa goizeko 09:00etan hasi eta eguerdiko 14:00etan bukatuko da. Hamabi plaza izango ditu ikastaroak, eta izena eman dutenen mailaren arabera, talde ezberdinak egitea aurreikusten dute.
Ikastaroak zenbait helburu ditu. Alde batetik, palistari segurtasun-baliabideak eta ezagutzak eskaintzea, irteeretan segurtasuna bermatze aldera. Beste aldetik, itsas kayakean sor litezkeen larrialdi egoeretan erreskate maniobrak egiten ikastea, eta kasu bakoitzerako erreskate protokolo egokiena hautatzen jakitea. Hori horrela, ikastaroan zehar zenbait oinarrizko material eraman beharko da. Ontzia behar bezala hornitzeko bizi lerroak (brankan eta popan), konpartimendu estankoak, eta elastiko zein sareak estalkian. Hortaz gain, parte-hartzaileek txalekoa, zeharbideko pala, ontzi-estalkia, xukadera, jantzi termikoa eta oinetako egokiak eraman beharko dituzte.
Izena eman nahiz informazio gehiago eskuratzeko, helbide elektroniko honetara idatzi behar da, edo 943 44 51 03 / 634 90 55 75 telefonoetara deitu, 10:00ak eta 14:00ak artean.