Kenpo Kaian maila aparta erakutsi dute oiartzuarrek, berriro ere
Uztailaren 5 eta 6an nazioarteko ikastaro zein azterketak egin zituzten. Hunbo elkarteko kirolariak maila gorenean aritu ziren.
Oiartzungo Kenpo Kai Honbu elkarteko kideak. Artxiboko argazkia. Uztailaren 5 eta 6ean, Kenpo Kai arte martzial japoniarraren nazioarteko ikastaro bat antolatu zen Oiartzunen. Bertan, zenbait azterketa egin ziren ere; orain arte Japonian bakarrik egiteko aukera zeuden batzuk tarteko: gerriko beltzen baitan, zazpigarren DAN maila artekoak, alegia.
Bada, Honbu elkarte oiartzuarrak zenbait kirolari aurkeztu zituen aipatu azterketetara: Iñaki Alkiza eta Andoni Sanchez lehenengo DANerako; bigarren DANerako Emma Garmendia, defentsa pertsonaleko munduko txapeldun dena; eta Zuhaitz Astarloza zein Alain Isasa irakasleak bosgarren DANerako. Horrela, Shihan (Maisuen Maisu) titulua eskuratzeko aukera zuten. Bi kirolariok nazioartean lehiatzen dira, maila apartean. Esaterako, Alain Isasak 2020an Oiartzungo Kirolari Onenaren saria jaso zuen udalaren eskutik. Bestela, maila berri hau eskuratu izanak Europa mailako irakasle onenen artean kokatu ditu Astarloza eta Isasa.
Elkartetik Pilar Martinez irakaslearen lana azpimarratu dute. Izan ere, berriki mundu mailan zazpigarren DANa lortzen duen lehen emakumea bihurtu baita. Berrogei urtetik gora daramatza entrenatzen, Espainiako Gobernuaren Kirolaren Kontseilu Nagusiko Kenpo Kaieko maila altuena duen emakumea da gaur egun, eta Euskadiko Karate Federazioko Kenpo saileko zuzendaria da ere.
Oiartzunen duela berrogei urte baina gehiago hasi ziren Kenpo Kaia lantzen, eta Hunbo elkarteak ordutik Oiartzun mundu mailan zabaldu dela adierazi du.
