[Galeria] Mila kolore dantzan, Trintxerpeko karmenen lehen egunean

Txupinazo bakarra gutxi balitz, bi izan dituzte: gaztetxoenen koloreduna eta danborradari abiada eman dion eztanda handia.

Olaia Gerendiain

Pasaia

2022/07/15

Atzoko 18:30a inguruan hamaika kolorek blaitu zuten Trintxerpeko Gudari plaza, haurren txupinazoa eta holly festa izan baitziren bertan protagonista. Gaztetxoenek irrikaz ekin zieten aurtengo karmenei, eta atsedenerako astirik ez zuten izan, jarraian haientzako ginkana prestatu baitzuten plaza horretan bertan.

20:00etako kanpaiekin, txupinazoa, bandera igoera eta kanpai iraulketa egin zituzten Alkateordetzan. Harrera jendetsua egin zieten trintxerpetarrek jaiei, eta gizonen danbor nahiz barrilen doinuarekin Euskadi etorbidea hartu eta Trintxerpeko kale nagusiak zeharkatu zituen martxak, Serafin Esnaola plazan bukatzeko.

Horra hor atzokoa arratsak Trintxerpen utziriko zenbait argazki:

Erlazionatutako edukiaGaur abiatuko dira Trintxerpeko karmenak

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.