Haurrak izango dira jaietan sartzen lehenak
18:00etan lehertuko da festa, Mila Koloretako Txupinazo Txikiarekin. Aurten, 21 haur eta nerabek hartu dute parte pregoia prestatzen.
![](https://oarsoaldea.hitza.eus/site/files/2019/07/dsc0109.jpg)
Gero eta gutxiago falta da 2022ko Madalen Jaietarako. Horri lotuta, aurtengoan ere haurrek beraien txupinazoa izango dute; 18:00etan izango da hori. 45 minutu lehenago, 17:15ean, Baturrunba abiatuko da Zumarditik, giroa berotzen joateko. Edonork har dezake parte bertan, eta esteka honetan perkusiozko instrumentuak etxean egiteko ideiak aurki daitezke.
Era berean, aurten 3 eta 14 urte bitarteko 21 haur eta nerabek hartu dute parte pregoia prestatzen.