'Zintzilik Irratia'k txupinazo festa antolatu du
17:30ean emango diote hasiera programazio bereziari. Egoitzara gerturatzeko gonbita luzatu diete herritarrei.
Urtero bezala, Zintzilik Irratiak txupinazo festa antolatu du. Era berean, irrati denboraldiari amaiera emateko aprobetxatuko dute. 17:30ean hasiko dira irratsaio bereziarekin, eta txupinazoaren zuzeneko emisioa ere egingo dute. Horretarako, denboraldian zehar irratiarekin kolaboratu duten pertsonen laguntza izango dute.
Txupinazoaren ondoren, 20:00etan, irratiaren egoitzaren beheko solairuan festa bat antolatu dute. Hori dela eta, bertara gerturatzeko edo irratia entzuteko gonbita luzatu diete herritarrei.
