Asteburu honetan ekingo diete Iturriotzeko jaiei
Asteburu honetan ez ezik, datorren astekoan ere ekimen ezberdinak antolatu dituzte. Truk txapelketa eta kronoeskalada izango dituzte, artean.
Asteburu honetan ekingo diete Iturriotzeko jaiei. Hemen dira Iturriotz auzoko 2022ko santiyuk. Xanistebanen bezperako bi asteburuetan, ekimenez blaituko dute auzoa herritarrek. Izan ere, bihartik, hilaren 23tik, aurrera egitarau oparoa antolatu dute. Baita uztailaren 29, 30 eta 31ko astebururako ere.
Hala nola, asteburu honetarako Truk txapelketa (bihar, larunbata, arratsaldeko 16:30etan Iturri-Berri elkartean), auzo afari autogestionatua (heldu den igandean, buruhandi eta txistularien emanaldiaren ostean), eta XXX. kronoeskalada (igandean, arratsaldeko 17:00etan) antolatu dituzte. Azken honetan lehen aldiz seniorrentzako ibilbidea prestatu dute.
Uztailaren 29tik aurrera, bada, pilota partidak, kontzertuak zein herri kirolen emanaldia egongo dira Iturriotzen. Santiyuen egitarau osoa, hemen sakatuta kontsulta daiteke.
Hortaz gain, aurtengo jaien abestia argitaratu du Iturriotzeko Jai Batzordeak. Esteka honetan, abestia entzuteko aukera dago.
