[Galeria eta bideoa] Madalenetan ospatzeko beste arrazoi bat: Hibaikaren bandera
Etxeko emakumeak nagusitu dira Errenteria Hiria Emakumeen IV. Ikurrina lortzeko estropadan. Puntutan berdinduta, aurretik dute Hondarribia.
Gogoz astindu dute bandera estropada bukatuta. Gaur gauean, madalenak ospatzeko beste arrazoi bat. 
ETE Ligako zortzigarren jardunaldia lehiatu dute gaur, 13:15etik aurrera, Oiartzun ibaian. Estropadak madalenetan ospatzeko beste arrazoi bat eman die errenteriarrei, Hibaikak lortu baitu Errenteria Hiria Emakumeen IV. Ikurrina. Hondarribiak, nahiz eta ETEko buru jarraitu, hirugarren egin du gaur. Tartean, Deustu.
Bederatzi traineruek 2.780 metroko ibilbidea eta ziaboga bat bete behar izan dituzte, erlojupeko modalitatean. Lehenengo txandan, batetik besterako minutuko aldearekin, ontzi hauek atera dira: Portugalete, Castro, Hernani eta Zarautz. Bigarrenean, berriz, Ondarroa, Zumaia, Deustu, Hibaika eta Hondarribia, hurrenez hurren.
Sasoia hasi zutenetik egiten ari diren lan txukunagatik, aukera asko dituzte Oarso-Bidasoko bi traineruek (Hibaikak eta Ama Guadalupekoak) EuskoTren Ligara igo eta datorren denboraldian emakumezko arraunlari onenekin lehian aritzeko. Nahiz eta puntutan berdinduta dauden, hondarribiarrek sailkapenean buru jarraitzen dute, bandera gehiago daramatzatelako bizkarrean.
Horra hor gaurko emaitzak, estropadaren zenbait argazki eta bandera emateko unearen bideoa:
| 1º | HIBAIKA JAMONES ANCIN | 11:02,67 | 9 |
|---|---|---|---|
| 2º | DEUSTO BILBAO | 11:05,44 | 8 |
| 3º | HONDARRIBIA BERTAKO IGOGAILUAK | 11:12,01 | 7 |
| 4º | ZARAUTZ GESALAGA OKELAN | 11:13,31 | 6 |
| 5º | DELTECO ZUMAIA | 11:13,62 | 5 |
| 6º | ONDARROA CIKAUTXO | 11:22,31 | 4 |
| 7º | HERNANI MITXELENA | 11:26,61 | 3 |
| 8º | CASTRO CANTERAS DE SANTULLAN | 11:41,15 | 2 |
| 9º | PORTUGALETE | 12:02,05 | 1 |
