[Galeria] Saharako haurrei harrera beroa egin diete Donibanen
Meipin egin diete ongietorria udaran zehar Oarsoaldeko bizilagun berri izango diren 9 adingabeei. Urduri bezain irribarretsu heldu dira.
Irribarreak nagusitu dira eguerdiko topaketan. 
Goizean goiz heldu dira Bilboko Loiu aireportura, eta dagoeneko euren udarako etxeetan dira. Saharatik bidaia egin duten 9 haurri harrera egin diete gaur eguerdian Meipin. Horietako lauk Pasai Donibane izango dute etxe udara honetan, bi Errenteria-Oreretan biziko dira, beste bi Irunen eta azkena Lezon.
Urduri heldu dira, eta datozen egunok egokitzeko erabili beharko dituzte familiek nahiz etorri berri diren txikiek; dena den, alde batetik nahiz bestetik ageriko egin dute irrikaz itxaron dutela gaur eguerdiko unea, irribarreak nagusitu baitira familiek lehen aldiz elkar ezagutu dutenean.
Ikusi, une berezi horrek utzi dituen hainbat argazki:
