Bihar, 86 urte faxistek Oiartzun mendean hartu zutela
Erresistentziak lau egun iraun zituen; eta gero, alkatea eta zazpi zinegotzi atxilo eraman zituzten. Horietako hiru fusilatu zituzten.
Erreketeak eta faxistak Oiartzunera bidean. 1936ko uztailaren 27an, Beorlegi koronel frankistaren tropek Oiartzungo Udala hartu zuten mendean. Bihar, beraz, 86 urte beteko dira gertakari lazgarriotatik.
Uztailaren 23an, lau egun lehenago, tropa faxistak Areskularrera iritsi eta kanpamendua jarri zuten Goikoetxen. Errepublikazaleek Altzibarretik erantzun bazieten ere, uztailaren 27an udaletxea mendean hartu eta EAJko alkate Feliziano Beldarrain alkatea atxilotu zuten, gainontzeko zinegotzi abertzaleekin batera: Leontzio Aranburu Agirre; Manuel Irigoien Mitxelena; Segundo Berrondo Retegi; Jeronimo Ugaldebere Labandibar; Esteban Goienetxe Arozena; Luziano Aristizabal Etxeberria eta Jose Ignazio Odriozola Oiartzabal eraman zituzten atxilo. Francoren aldekoek Oiartzundik Ezkabako San Kristobal espetxera eraman zituzten errepublikazaleak, eta horietako hiru fusilatu: Aranburu, Irigoien, eta Beorlegiren semea; azken hau etxean ez zutenean aurkitu.
Gainontzeko lau zinegotziak (hiru karlista eta EAJko bat) faxistekin elkartu ziren. Bukatzeko, garai hartako irudi, artxibo eta testigantzak jasotzen dituen txostena elkarbanatu dute.
