Mozorro festa 'ibizenkoa' antolatu du Biyurrieneak, abuztuaren 6an
Aldez aurretik internet bidez eman behar da izena, abuztuaren 1a baino lehen. Hiru mozorro onenek saria jasoko dute.
Xanistebanetako azken egunean, abuztuaren 6an (larunbata) Biyurrieneak mozorro festa “Ibizenkoa” antolatu du. Mozorro onenei zenbait sari banatuko dizkiete ere, betiere hilaren 7ko goizaldeko 06:00ak arte irauten dutenen artean. Hala nola, mozorro onenak asteburu pasa bat jasoko du, bigarrenak otordu bat Ordoxelaien, eta hirugarrenak “dastaketa esperientzia” bat.
Izena emateko, aldez aurretik galdetegi hau bete behar da abuztuaren 1a, astelehena, baino lehen. Egunean bertan ere izena emateko aukera egongo da, 20:00etatik 22:00etara Biyurrienearen txosnan.
