The Mitchells vs The Machines, udako hirugarren proposamena
Animaziozko film hori Europako zinema aretoetan estreinatuko da OzZinemaren eskutik. Asteartean ikusi ahal izango da Niessenen.
The Mitchells vs The Machines. OzZinema zineklubak udako hirugarren saioa dakar asteartean: The Mitchells vs The Machines. Animaziozko film hori Europako zinema aretoetan estreinatuko da OzZinemaren eskutik.
Mitchell familiaren errepidean zehar doazen bidaian, bere semeetako bati unibertsitateko lehen egunean laguntzera doana, gizateria mehatxatzen duen matxinada teknologiko batek eteten du.
The Mitchells vs The Machines filmak kritikaren era ikusleen maitasuna jaso duela azaldu dute OzZinemako kideek, animazioko estilo berritzaileagatik eta umore bereziagatik. Horrez gain, Katie Mitchell protagonista LGTBI antzezpenaren adibide argi bihurtu da. Proiekzioak 2D eta 3D animazioko nahasketa originala erabiltzen du, eta Mitchelltarren bizitza arruntaren eta roboten munduaren arteko talkan bi mundu definitzen dira.
OzZinemako kideen hitzetan, The Mitchells vs The Machines animazioko film “bikaina” da hiru arrazoirengatik: natibo digitalen hizkuntza hitz egiten du; izugarrizko erritmoan egiten du aurrera; eta denbora du dibertigarria eta bizkorra izateko, hunkigarria eta liluragarria baita familiekiko sentiberatasun handiko mezua daramalako.
The Mitchells vs The Machines asteartean, abuztuak 2, ikusi ahal izango da Niessen zinema aretoetan, 19:30ean. Sarrerak hiru bidetatik lortu ahal izango dira lau euroko prezioan: Kultura Kreaktiboaren webgunean, Lekuona Fabrikan, eta Niessen Kulturguneko leihatilan saioa baino ordubete lehenago.
