Ormazabal eta Urbieta, eskuzko pasakan Gipuzkoako txapeldun
Atzo eguerdian lehiatu zuten Kontzejupean Eskuzko Pasakako Gipuzkoako Txapelketaren finala. Ia bi ordu iraun zituen lehiak.
Ezker-eskuin: Urbieta I eta Ormazabal, lehia hasi aurretik, pilotak aukeratzen. 
Xanistebanen ataria, atzo 13:00ak pasatxotan abiatu zen, Kontzejupean, Eskuzko Pasakako Gipuzkoako Txapelketaren finala. Laukotea honakoa izan zen: Karrera eta Urbieta II [gorriak], Ormazabal eta Urbieta I-en aurka [urdinak].
Lehia hasi berritan, Ormazabalek kolpe latza hartu zuen ezker-begi inguruan, frontoiko burnizko atearen bandetako baten kontra. Horrek partida eten zuen tarte batez, baina hark erabaki zuen finalarekin aurrera egitea, eta ia bi orduz luzatu zen norgehiagoka.
Azkenean, eta lehia estuaren ondoren, urdinak nagusitu ziren, 13-11 irabaziz gorriei. Hori horrela, Ormazabal eta Urbieta I dira Eskuzko Pasakako Gipuzkoako txapeldun.
