Astelehen Goizak, Kinada eta Itzal Banden I. Topaketan
Irailaren 16an ospatuko dute lehenengoz Banden Topaketa Lezon. Trilita, Leekore eta "El Quinto Tenedor"-ek ere joko dute.
Kinada musika taldeko kideak. Banden I. Topaketan ariko diren musika taldeen berri eman du dagoeneko Piztu Lezok. Irailaren 16ko gaualdia berezia izango da lezoarrentzat, baita musikazaleentzat. Izan ere, Banden Topaketa egitasmoak hasi berri diren musika taldeak ibilbidea dutenekin batu eta herrian giro aparta sortzea baitu helburu. Euskarazko musika taldeen hedapena ere jarri dute helburutzat.
Bada, aurtengo edizioan eskualdeko eta inguruko hainbat taldek girotuko dute Lezo: Astelehen Goizak(Oiartzun), “El Quinto Con Tenedor” (Hernani, Donostia, Pasaia), Itzal (Pasai Antxo), Kinada (Lasarte-Oria), Lekoore (Oñati) eta Trilitak (Orereta) joko dute.
Dena den, antolatzaileek dei berezia egin diete emakumeek osatutako musikari eta taldeei. Izan ere, aurtengo deialdian gutxi batzuek ez baitute eman izena, eta datozen edizioetan berauen presentziak gora egitea nahi du Piztu Lezok.
Irailaren 16an ez da sarrerarik ordaindu beharko, ezta aurretiazko izen ematerik egin beharko ere.
