Kontxako sailkapen estropadan arituko dira Oarsoaldeko traineruak
Bihar mutilen txanda izango da, eta etzi, neskena. Sanpedrotarra, San Juan eta Hibaika izango dira eskualdeko ordezkariak.
Argazkia: Donostia Festak. Bihar, asteazkena, eskualdeko traineruek Kontxako Bandera eskuratzeko lehen ahaleginari helduko diote. Sailkapen estropadak bihar, asteazkena, eta etzi, osteguna, lehiatuko dituzte.
Lehenengo txanda mutilena izango da, arratsaldeko 18:00etatik aurrera. Sanpedrotarra A multzoan arituko da; Orio, Urdaibai, Cabo, Bueu, Ares, Getaria, Kaiku, Lekittarra, Hondarribia, Ondarroa, eta Zierbenarekin batera. B taldean arituko dira gainontzeko bi traineruak (San Juan eta Hibaikak); Arkote Bilbo, Castro, Castropol, Zumaia, Deusto, Lapurdi, Mutriku, Samertolameu, Pedreña, eta Zarautzekin. Hurrenkerak bihar bertan erabakiko dituzte. Donostiarra sailkatuta, zazpi denbora onenak sailkatuko dira Banderaren estropadara.
Ostegunean, ordea, nesken unea izango da. Arratsaldeko 18:00etan abiatuko dira, mutilen antzera. Hibaika da aurten Oarsoaldeko ordezkari bakarra. A taldean abiatuko da, Cabo, Chapela, Zumaia, Deustu, Arraun Lagunak, Orio, Hondarribia, Tiran eta Tolosaldearekin batera. Ligako sentsazio onekin jarraitu eta zazpi onenen artean sartzen ahaleginduko dira Madalen ontzikoak.
