Amaiera fasean sartuko dira San Pedroko lonjako lanak
Pasaiako Portu Agintaritzak 2023an amaituko ditu San Pedro eremuan 2011etik egiten ari den lanak. Estalkia eraikiko dute, eta lorategia gainean.
Pasaiako Portu Agintaritza (PPA) San Pedroko gunean dagoen lonja eraberritzeko lanetan murgilduta dabil, eta azken fasean sartu berri dira lanok. Maiatzean eraikinaren albo batean dagoen plaza estreinatu zuten, eta orain, Esnabide kaleko estalkia egiten hasiko dira. Lanak urrian hasi eta 2023an zehar bukatuko dituzte.
Estalkiaren gainean, lorategi parkea eraikiko dute, hainbat eta hainbat zuhaitz eta zuhaixka izango dituelarik. Gainera, mendi magalarekin lotuko du lorategiak estalkia, mendebaldeko fatxadatik abiatuta.
Hiru milioi euroko inbertsioarekin, obraz Obrascon Huarte Lain, S.A. – Construcciones Adolfo Sobrino enpresa arduratuko da. Bukatzean, 16.000 metro koadroko azalera duen espazio berri bat egongo da eskuragarri.
Obra horiekin, 2011n hasi zen proiektua bukatu eta orotara bost milioi euroko inbertsioa egingo dute. Lan guzti hauek Gipuzkoako Foru Aldundiaren eta Eusko Jaurlaritzaren laguntza jaso dute.
