Martxan dira Azokako jarduerak lekualdatzeko lanak
Udalak Eskalantegi kaleko 45.era lekualdatuko ditu eraikin ohiko jarduerak. Ludoteka eta elkarteentzat egokituko dituzte bi espazio.
Behin Antxoko Azoka eraikina eraitsita, bertako jarduerak Eskalantegi kaleko Visesasaren eraikin ohiera mugitzeko lanetan murgildu da udala. Lokal berriak ia 400 metro karratu ditu, eta bertan ekipatuko da Azokako ekimen eta jarduerak egiteko azpiegitura. Dena den, behin behinekoa izango da, Luzuriagako bulegoen eraikinean kultura eta gizarte zentroa jarri arte.
Egokitze lanen bidez, bi espazio bereizi eraikiko dituzte Eskalantegiko 45.ean:
- Ludoteka: gune ireki bat izango du, baita egongela bat, bulego bat eta komun bat ere. Espazio horren sarbide nagusia Molinao parkean egongo da, eta 171,15 metro karratuko azalera izango du.
- Elkarteen gunea: Pasaia Musikala prestatzeko hiru gela egokituko dituzte. Hortaz gain, erabilera anitzeko gela, gela guztietara sarbidea izateko korridore bat, eta komun bat edukiko ditu. Gune horietarako sarbidea Eskalantegi kalean egongo da, arkupeetan. 189,15 metro karratuko
Etorkizunean, beste hainbat elkartek gune berriak erabiltzeko egokitze lanak egingo dira. Horien artean daude Lagun Artea (gimnasia), Alkartasuna Dantza Taldea (helduak eta haurrak), Alkarkide Txaranga eta Alkarkide Dantzari Ohiak. Lokal berriko obrak egiteko 506.901 euroko aurrekontua onartu da.
