Igerilekuen udako denboraldia igandean bukatuko da
Eskola egutegia hastearekin batera, Beraungo igerilekuko udako denboraldia amaituko da. Fanderiako igerilekua bi astez itxiko dute.
Beraungo igerilekua, artxiboko irudi batean. Eskola egutegiaren hasierarekin bat eginda, igandean bukatuko da udako denboraldia Beraungo igerilekuan. Gainera, irailaren 12tik 25era Fanderiako igerilekua itxiko dutela adierazi du udalak, mantentze lanak egiteko. Irailaren 26an zabalduko dute berriro, neguko ordutegiarekin: astelehenetatik ostiralera 07:00etatik 21:30era; larunbatetan 9:00etatik 21:30era eta igandetan 09:00etatik 14:30era.
Galtzarabordako kiroldegiak ohiko ordutegia izaten jarraituko du. Gainera, irailaren 18tik aurrera igandeetan ere zabalik egongo da, 16:00etatik 20:00etara. Izen-emate eta ikastaroei buruzko kontsultak Galtzarabordako kiroldegiko harreran edo 943 44 96 90 telefonora deituta egin daitezke.
