Bihar, Lezoko Gazte Eguna
Lehenik eta behin Herri Olinpiaden finala egingo dute. 14:00etan txupinazoa, argazki erraldoia, eta bazkaria.
Santakrutzen atariko asteburua da honakoa. Hori buruan, Piztu Lezok eskualdeko azken festa handietarako beroketa ariketak egingo ditu bihar, larunbatarekin: Gazte Eguna antolatu dute.
Joan den asteburuan biharkoaren aurrekaria-edo izan zitekeena izan zen. Izan ere, Herri Olinpiaden lehen jardunaldian murgildu ziren adin eta jatorri ezberdinetako lezoarrez osatutako bost taldeak. Bi onenek bihar dute finala, gazteen egunaren egitarauaren barruan.
Honakoa da biharko Piztu Lezoko proposatu duen plana.
- 10:00etan, Herri Olinpiaden finalaren hasiera.
- 13:00etan, txosna poteoa.
- 14:00etan, txupinazoa eta Hiltzailearen Jolasaren hasiera. Argazki erraldoia aterako dute.
- 14:30ean, bazkaria.
- 16:00etan, bingo musikatua.
- 18:00etan, Joselontxo’s txaranga.
- 22:00etan, Laiotz taldearekin erromeria.