Bihar hasiko da EPLEko pilota eskola
Izen-ematea doakoa da, irekita dago jada eta interesdunak klubarekin harremanetan jarri beharko dira 680 71 94 22 telefonoan.
EPLEko pilota eskola Agustina Otaola pilotalekuan. Bihar, asteartea, hilak 13, EPLEko pilota eskolak hasiera emango dio 2022-2023 denboraldiari, 2023ko ekainaren erdialdera arte luzatuko dena. Izen-ematea doakoa da, zabalik dago jada, eta 2014. urtera arte jaiotako gazteek eman dezakete izena. Entrenamenduak, ohikoa den bezala, Agustina Otaola pilotalekuan izango dira.
Esku-pilotaren modalitatea benjaminei eta kimuei zuzenduta dago (2011 eta 2014 urteen artean jaiotako gazteak, biak barne). Bestalde, palako entrenamenduak infantil eta kadete mailako gazteei bideratzen zaizkie (2007 eta 2011 urteen artean jaiotakoak, biak barne).
EPLEko prestakuntza eskolek oinarrizko kirolaren prestakuntzan adituak eta euskal pilotan espezializatuak diren begiraleak dituztela zehaztu dute klubetik.
Pilota eskolan parte hartzeko, interesdunak klubarekin harremanetan jarri beharko dira 680 71 94 22 telefonora deituta edo WhatsApp mezu bat bidalita. Izena emateaz gain, sortu daitezkeen zalantzak ere argituko dituztela azaldu du klubak.
