Galtzarabordan irisgarritasuna hobetzeko lanak egin dituzte
Galtzaraborda etorbideko 36. eta 52. atarien artean bizi diren bizilagunen irisgarritasuna hobetzeko, lau arrapala jarri dituzte.
40. eta 42. atarien aurrean jarri duten arrapala. Galtzaraborda etorbideko 36-52 zenbaki bikoitietako atarien irisgarritasuna hobetzeko lanak bukatu dituzte. Guztira, lau arrapala jarri dituzte bizilagun horien irisgarritasuna hobetze aldera.
Arrapala horiek Galtzaraborda hiribidearen espaloiaren eta eraikinen artean zeuden eremu libreetan egin dituzte, eskaileren ordezko ibilbide irisgarria lortzeko.
Lau dira guztira jarri dituzten arrapalak: lehena, 36. eta 38. atarien aurrean; bigarrena, 40. eta 42. atarien aurrean; hirugarrena, 44. atariaren aurrean; eta azkena, 46. eta 48. atarien aurrean. Horrez gain, azken arrapala horrek 50. eta 52. atarietarako irisgarritasuna ere bermatzen du.
