Bueltan, eta gorenean, dira Pasaiako kirolariak
Uda bukatzear, bueltan da kirol sasoia. Futbolariak hasiak dira jada, eta areto futbolekoek gaur ekingo diote lehiaketari.
Etxean izango dituzte lehia guztiak, asteburu honetan, Pasaiako areto futbol taldeek. 
Uda garaia bukatzear, bueltan da futbol sasoia, eta harekin, Pasaiako futbolarien lehiak. Aurten Pasaia, Sanpedrotarra eta Trintxerpe kirol taldeen zortzi futbol talde egongo dira orotara, gazte kategoria bitartean, lehian.
Areto futbolean, igoera lehiatu zuten hiru taldeek lortu zuten aurreko denboraldian kategoria bana gora egitea, eta indartsu datoz, beraz, kirolariak. Zuri-gorriek lau talde izango dituzte zelaian, eta estreinakoz arituko da Donipari Euskal Ligan.
Donibane Eskubaloia klubeko kirolariak ere martxa hartuta daude, asteburu honetan lagunartekoak izango baitituzte jada, liga urriarekin hasiko badute ere. Gaurtik hasita norgehiagokari hasiera emango diotenak, berriz, futbolariak dira.
Asteburuko areto futboleko hitzorduak
Sanjuandarrak Euskal Kopagatik borrokan hasiko dira larunbatean, 18:00etan, Donibaneko kiroldegian. Etxeko hori izango dute, Sasikoa taldearen aurka, kopa lortzeko bidean lehen kanporaketa.
Beste kopa bat, Gipuzkoakoa hori, antxotarrek jokoan izango dutena. Klub osoak talde bakarra inskriba zezakeen aurten lehiaketa horretan, eta lehen partidan behintzat B taldeko jokalariak, C-ko zenbaiten laguntzarekin, izango dira zuri-gorrien ordezkari. Izan ere, lehen taldeak hitzordua baitu, liga barrukoa hori, asteburu honetan ere.
Hitz gutxitan: Antxo AF B-k derbia jokatuko du, gaur bertan, 21:45ean Donibaneko kiroldegian, Jaixkiren kontra. Esan bezala, kopa gipuzkoarra eskuratzeko lehen kanporaketa izango da gaurkoa.
Beste derbi gipuzkoar bat, Estatuko Areto Futboleko B Ligakoa hori, Antxo AF-k igandean jokoan izango duena. Lauburu Ibarraren aurka zelairatuko dira, etxean horiek ere, etzi 12:30ean.
Jarraian, aurten lehian egongo diren futbol taldeen kategoriak.
FUTBOLA
Gizonen Hirugarren Maila
Pasaia. Bihar jokatuko dute Ligako bigarren partida, 17:00etan, Arrigorriagako Padura taldearen zelaian.
Gizonen Gorengo Maila
Sanpedrotarra. Bihar jokatuko dute sasoiko lehen partida, 15:30ean, Trintxerren. Astigarragako Mundarro izango dute aurrez aurre.
Gizonen Lehen Erregionala
Pasaia B
Sanpedotarra B
Trintxerpe
Gizon Gazteen Ohorezko Maila
Pasaia
Sanpedrotarra
Gizon Gazteen Gorengo Maila
Trintxerpe
ARETO FUTBOLA
Gizonen Estatuko Bigarren B Maila
Antxo AF
Gizonen Euskal Liga (Euskal Kopa orain lehian)
Donipari
Gizonen Gipuzkoako Bigarren Maila (Gipuzkoako Kopa orain lehian)
Antxo AF ‘B’
Gizonen Gipuzkoako Hirugarren Maila
Antxo AF ‘C’
