Hemen dira Pablo Eneako Mendi Jaiak
San Pedroko auzoko jaiak gaur abiatu eta igandera bitarte luzatuko dira. 19:00etan botako dute txupinazoa.
![](https://oarsoaldea.hitza.eus/site/files/2022/09/pablo-enea-karrusel.jpg)
Udara bukatzearekin batera, badator ere Pasaiako barrutietako jaiei agur esateko garaia, irailarekin joango baitira azkenak. Egutegian hurrengoak Pablo Eneako Mendi Jaiak izango dira, gaur hasi eta igandera bitarte.
19:00etan botako dute txupinazoa, eta suziriarekin hasiko dira jaiak. Sanpedrotarrek deskantsatzeko astirik ez dute izango, hurrengo asteburuan -23tik 25era- barrutiko jai txikiak ospatuko baitituzte, eta egun berdinetan, Antxon, San Fermin Txikiak.
Sukaldean dauden horien egitarauen berri ez dute eman oraindik barrutietako jai batzordeek, baina bien bitartean, bizilagunen gozagarri: Pablo Eneako jaiak. Horra hor egitaraua:
- Gaur, ostirala
- 19:00. Txupinazoa.
- 19:15. Buruhandiak eta txistulariak.
- 20:30. Afaria (bakoitzak berea).
- 22:00. Dantza erakustaldia.
- 23:00. Dj Juantxo.
- Bihar, larunbata
- 10:00. Diana.
- 10:30. Herri kirolak.
- 12:00. Apar festa.
- 16:00. Puzgarriak eta jokoak.
- Partxis txapelketa (txosnan apuntatu).
- Mus txapelketa (Pari tabernan apuntatu).
- 20:00. Buruhandiak.
- 20:30. Bokatak txosnan.
- 23:00. Dj Juantxo.
- Etzi, igandea
- 10:00. Diana.
- 10:30. Altxorraren bila.
- 11:00. La toca (La Cepa tabernan eman izena).
- 11:30. Tortilla txapelketa.
- 13:30. Herri bazkaria.
- 16:00. Haur emanaldia.
- 18:30. Txokolatada.
- 19:30. Buruhandiak eta txistulariak.
- 20:00. Txupinazoa (festa bukaera).