LAB: "Zaintza erdigunean jarri eta langileekin borrokatu behar da"
Pasaiako etxez etxeko zerbitzuko langileen lanuztearen harira irakurketa kaleratu du sindikatuak. Maiatzaren 23tik daude greban.
Joan den maiatzaren 23an ekin zioten lanuzteari emakume langileek. 
LAB sindikatuak bere babespean dituen Pasaiako etxez etxeko zerbitzuko langileen lanuztearen harira irakurketa kaleratu du. Joan den maiatzaren 23an ekin zioten grebari, eta emakume horien egoeraren nahiz eskakizunen berri eman du sindikatuak.
Horra hor komunikatua:
PASAIAKO EEL langileak greban daude maiatzaren 23tik, hitzarmen duin baten alde borrokan. Gaur egun, garbiketa-hitzarmen bat aplikatzen zaie beren lana sozio-sanitarioa denean. Hamar urtetik gora daramazkite beraien lan baldintzak izoztuta eta prekarietatean murgilduta.
Hiru hilabeteko borrokak behartuta EULEN Patronalak proposamen bat jarri du mahai gainean soldaten igoera barnebiltzen duena, baina KPIa bermatzen ez duena.
Honen aurrean hainbat langilek greba utzi dute aldi baterako, EULENen proposamena aztertzeko eta mobilizazio gehiagori ekiteko, erosteko ahalmena ez delako bermatzen eta uko egiten diolako hobekuntza sozial eta ekonomikoak hitzartzeari, nahiz eta horrek herritarrei eskaintzen zaien zerbitzuaren kalitatea okertzea ekarri.
Horrela ba, beren lana duintzeko eta zerbitzuaren kalitatea bermatzeko borrokan jarraituko dugu. Eta horretarako, beharrezkoa da beste sektore batzuetatik eta gizartetik ere ZAINTZA lanak erdigunean jartzea eta langileekin batera borroka egitea beren lan- eskubideen eta zaintza lanak duintzearen alde.
Aurrera beraz! Adi datozen mobilizazioetara!
