Urdaburuk mendiko argazki lehiaketa antolatu du
Irailaren 20an hasiko da "Jesus Hospitalerren omenezko 2022ko mendiko argazki lehiaketa". Parte hartzeko irizpideak luzatu ditu elkarteak.
Ikasleek natur ondarea ezagutu eta balioan jartzeko irteera gidatuak egin dituzte. Datorren asteartean, irailaren 20an, Urdaburuk “Jesus Hospitalerren omenezko 2022ko mendiko argazki lehiaketa” abiatuko du. Aurtengo gaia “Kirol ekintza mendian” izango da. Lanak aurkezteko epea urriaren 20ra arte egongo da irekita. Parte hartu nahi dutenek hainbat irizpide bete beharko dituzte horretarako. Jarraian, zerrendatuta ageri dira:
- Lehiaketan argazkigintza gustuko duen edozein euskal herritarrek parte har dezake; izan EAE, Nafarroa nahiz Ipar Euskal Herrikoa.
- Parte hartzaile bakoitzak hiru argazki bidali ditzake gehienez ere, eta formatu digitalean helarazi beharko dizkio elkarteari, CD, DVD edo Pen-drive formatuan. Urdaburu Mendi Elkartearen egoitzan aurkeztu beharko dira argazkiak (Juan de Olazabal kalea, 23), astearte nahiz ostegunetan 19:00etatik 21:00etara; edota helbide elektroniko honetara bidali, mezu bidez.
- Argazkiak JPG formatuan aurkeztu behar dira.
- Argazkilariek bi karpeta aurkeztuko dituzte. Lehena, argazki eta horien izenburuekin. Bigarrena, “Egilearen identifikazioa” izenpean, argazkilariaren izen-abizenak, NANa, helbidea, telefono zenbakia, helbide elektronikoa, eta aurkeztutako argazkien izenburuekin (bat egin beharko dute lehenengo karpetan emandakoekin).
Hona hemen lehiaketaren nondik norakoak ageri dituen triptikoa:
