Gipuzkoa 2 eta Iparralde 1ek finalerdia jokatuko dute, etzi
Beheko Plazan jokatuko dute Euskal Herriko bote luze txapelketako finalerdia, ostiral arratsaldean. Gipuzkoa 1 Otxandion ariko da.
Joko zuzen partidak ikusteko aukera egongo da asteburuan, Beheko Plazan. Pasa den asteburuan berretsi zen Gipuzkoa 1 eta Gipuzkoa 2 taldeak Euskal Herriko bote luzeko txapelketaren finalerdietan egongo zirela. Oiartzungo bi taldeetako pilotariak daude talde horietan. 1en Oiarpekoak daude, eta 2n, berriz, Txostekoak.
Gipuzkoa 2k ostiral arratsaldean jokatuko du finalerdia, Madalensoron. 18:30ean hasiko da norgehiagoka, eta Iparralde 1 taldea izango dute arerio.
Gipuzkoa 1, berriz, etxetik kanpo arituko da, Otxandion. Bizkaiko taldearekin arituko dira nor baino nor, igande eguerdian.
Errebotea ere, Oiartzunen
Enrike Abril errebote txapelketaren 59. ekitaldia jokatzen ari dira, eta horren barruan, datorren igandean —hilak 25— partida jokatuko dute Beheko Plazan, betiere eguraldia lagun dutela.
Txostek Hazparneko (Lapurdi) Noizbait taldearen bisita jasoko du. 10:30ean hasiko da norgehiagoka hori.
