San Fermin Txikiak Biteri plazan ospatuko dituzte antxotarrek
Txupinazoaren aurreko 'karropoteoa'-k abiaraziko du ospakizun zuri-gorria. Haur, gazte nahiz helduentzako egitaraua prestatu dute.
Iazko San Fermin txikietan ezin izan zuten bazkaririk egin antxotarrek. 
Pasai Antxok gerraosteko herri bat badirudi ere, ospatzeko beti da garai ona, eta are gehiago ospakizun horrek zuri-gorriz janztea eskatzen badu. San Fermin Txikiak San Pedro Txikien egun berdinetan zelebratuko dituzte, datorren ostiraletik hasi eta asteburu osoan zehar.
Txupinazoa 20:00etan izango da, ohi bezala, baina Biteri plazan aurtengoan (jarduera guztiak bertan izango dira, topoko lanek aire zabaleko espazio gehiena hartu dutenez gero). Suziriarekin abiatuko dira jai txikiak, baina aurretik hasiko dira bizilagunak girotzen, karropoteoak ez baitu, aurten ere, hutsik egingo.
Horra hor egitarau osoa:
- Ostirala, hilak 23 (elegante gaua)
18:30. Karropoteoa.
20:00. Txupinazoa.
Jarraian, txaranga herrian zehar.
22:00. Sobakillo afaria (nork berea eraman beharko du).
23:45. Hiltzailearen jolasaren hasiera.
00:00. Dj gaua.
· Jalajabetei.
· Dj Esam.
· Dj Lasa. - Larunbata, hilak 24
11:00. Haurrentzako puzgarriak.
12:00. Zezentxoak eta buruhandiak.
14:00. Herri bazkaria (tiketak, Ibaiondon).
Jarraian, bingoa.
16:00. Arrantza txapelketa erekan.
17:30. Bakarrizketa: Barry, irlandar eta euskaldun.
19:00. Kontzertua: Txiltxoko.
21:00. Dj Txita ibiltaria.
00:00. Dj Fresa Morango.
03:30. Dj Azabal. - Igandea, hilak 25
11:00. Karabina lehiaketa.
11:00. Puzgarriak eta apar festa.
18:00. Haurren txirrinda lasterketa.
20:00. Txokolatada.
