Alaia Martin, finalaurrekoetara
Elizondoko finalaurrekoetan izango da oiartzuarra, Txapelketa Nagusiko lehen saioaren irabazle izan zelako larunbatean.
Urrats bat aurrera, sendoa gainera. Alaia Martin Etxebestek Betsolari Txapelketa Nagusiko finalaurrekoetan izateko eskubidea bere egin du, larunbatean Getxoko lehenengo saioaren irabazle izan zelako, garbi gainera. Oihana Bartra Arenas, Nerea Elustondo Plazaola, Agin Laburu Rezola, Peru Abarrategi Sarrionandia, eta Unai Mendizabal Jauregirekin kopnartitu zuen Getxoko Muxikebarri zentroko oholtza.
Ariketa puntuagarriak egin ostean, oiartzuarra izan zen puntu gehien bildu dituen bertsolaria, 738 puntu. Beraz, zuzenean sailkatu da finalaurrekoetara eta Elizondon kantatuko du urriaren 22an. Haren ondotik geratu ziren Nerea Elustondo 695rekin, Agin Laburu 685rekin, Oihana Bartra 653,5ekin, Unai Mendizabal 635ekin eta Peru Abarrategi 627rekin.
