Datozen txangoen berri eman du Urdaburu Mendizale Elkarteak
Larunbatean Ipar martxako irteera egingo dute, hain zuzen, Donostiako itzuliaren 4. etapa izango da.
Andorraren inguruko argazki erakusketa egingo dute Urdabururen egoitzan. Urdaburu Mendizale Elkarteak beste ibilaldi bat antolatu du asteburu honetarako. Larunbatean (urriak 1), Ipar martxako irteera egingo dute, hain zuzen, Donostiako itzuliaren 4. etapa izango dela aurreratu dute.
8:00etan jarri dute hitzordua, Iztietako autobus geltokian. Autobusa hartu eta Mirakruz gainan jaitsiko dira partaideak (Arzak jatetxearen ondoan). Hortik Donostiako udaletxera abiatuko dira Uliatik, hiru ordu inguruko ibilaldia izango dela aurreratu dute. Mendiko bidea izanik, trekingeko zapatilak eramateko gomendioa eman dute.
Interesa dutenek ostiralera (hilak 30) bitarte izango dute izena emateko aukera. Urdaburuko lokalean egin beharko dira, ostegunean, 19:00etatik 21:00etara. Bestela, lotura honetan ere izena eman daiteke.
Urtea bukatu arte beste hiru martxa egingo dituzte. 2023rako programa ere prest dute Urdaburukoek. Ondorengoa da:
- Urriak 8: Zumaia.
- Azaroak 5: Oreretako parkeak.
- Abenduak 3: Hendaiako hondartza.
- Urtarrilak 14: Hernaniko ibilbide urdina.
- Otsailak 11: Txingudiko badia.
- Martxoak 11: Igeldo-Orio.
- Apirilak 29: San Marcos (Bizarain).
- Maiatzak 13: Beloagako gaztelua.
- Urriak 7: Zarautz-Getaria-Zarautz.
- Azaroak 4: Donostiako zubiak.
- Abenduak 2: Pasaiako badia.
