Zazpi ipuin kontaketa egingo dituzte Andreonen urrian eta azaroan
Ipuin kontaketa den-denak asteazkenetan dira, 18:15ean hasita. Zazpi ipuin, eta beste hainbeste kontalari izango dira herrian.
Ana Apikak azaroaren 30ean eskainiko du saioa. Urriko eta azaroko asteazken gehienetan aterpea izango dute 4-7 adin tarteko haurrek Andreone Lezoko Udal Liburutegian. Urteko hamargarren eta hamaikagarren hilabeteetan zazpi ipuin kontaketa saio antolatu dituzte. Den-denak 18:15ean dira. Honakoak dira (informazio osagarria Lezoko Udalaren webgunean aurki daiteke):
- Urriaren 5ean, Elkarrekin Elkano IXabel Girresarobe eta Mattinen eskutik.
- Urriaren 19an, Kontaketa bat basamortuan Mikel Susperregiren eskutik.
- Azaroaren 2an, Aitona Lukasen txabola Pello Añorgak kontatua.
- Azaroaren 9an, Itsasoko abenturak Lupe Lekuona kontalariarekin
- Azaroaren 16an, Sar dadila kalabazan, Ines Bengoaren gidaritzapean.
- Azaroaren 23an, Amaia Puin kontalariak Harri ipuinak lanari eutsiko dio.
- Azaroaren 30ean, Liburuz liburu, Ana Apikari esker.
