Bakardadeak Oiartzunen duen eragina jakiteko inkesta egiten ari dira
Hautazkoa ez den bakardadeari aurre egiteko, udalak Zaintzadi proiektua martxan jarri du. Oiartzuarren egoera ezagutu nahi dute.
![Zaintzadi galdetegia](https://oarsoaldea.hitza.eus/site/files/2022/09/2022-09-28-zaintzadi-galdetegia.jpg)
Hautatzen ez den bakardadea ardatz izango duen proiektu publiko-komunitarioa martxan jarri du Oiartzungo Udalak: Zaintzadi.
Egoera horretan dauden oiartzuarren egoera hobetu nahi dute. Modu horretan, 55 urtetik gora dituzten eta ingurukoen laguntzarik jasotzeko aukerarik ez duten oiartzuarren egoera ezagutu nahi dute.
Egoera ezagututa, esku-hartze sozio-hezitzailea eta komunitarioa martxan jarri nahi dute, Oiartzungo eragile eta herritarrak Zaintzadin inplikatuz.
Galdetegia, etxez etxe
Diagnostiko zehatzagoa egiteko, herriko egoera ezagutu nahi dute eta pertsona horiek duten beharrei erantzuteko. Horregatik galdetegia prestatu dute, Oiartzunen dauden baliabideak, sare komunitarioak, herri dinamikak eta mugak zein diren aztertzeko.
Garazi Solis eta Aintzane Iribar proiektuan lanean ari diren gizarte-hezitzaileak herriko hainbat eragilerekin biltzen ari dira. “Herritarren iritzia ere jaso nahi da, ahalik eta diagnostiko zehatzena egin ahal izateko”, zehaztu du udalak.
Galdetegi bat etxez etxe banatzen hasi dira, eta online ere egin daiteke.
Behin galdetegia beteta, erantzunak uzteko hainbat txokoren berri eman du udalak, auzo guztietan.
Erantzunak non utzi
- Altzibar: Eroski denda, Auzoko botika.
- Arragua: Auzoko botika.
- Elizalde: Mari Sol janari denda; Done Eztebe plazako botika; Arraskuelarre kaleko botika; Garmendi okindegia eta banaketako furgoneta; Pili arraindegia eta banaketako furgoneta.
- Ergoien: Tolare jatetxea.
- Gurutze: Toki Alai taberna.
- Iturriotz: Martin harategia.
- Karrika: Taxi Buseko geltokiko buzoia.
- Ugaldetxo: Intxixu taberna.
- Beste aukerak: Taxi Busa, Bidez-Bide eta Bidelagun zerbitzuak