Prestatu agendak: Xoxolurrek ikasturteko irteeren berri eman du
Urrian hasi eta ekainera, hilabetero irteera bat prestatu du Xoxolur Mendi Taldeak. Ekaineko azkena, Jaizkibelgo asteburu pasarena da.
Lezoko Xoxolur Mendi Taldeak 2022-2023 sasoian egingo dituen irteeren berri eman du “Apuntatu zuen egutegian”, iradoki diete lezoarrei. Adierazi dute, egutegi horrek aldaketak izan ditzakeela, baina behintzat sasoiko traza nagusiak kontuan hartzeko eskatu diete herriko mendizaleei.
Honakoak dira proposamenak:
- Urriaren 23an, Finalista Eguna Oñatin.
- Azaroaren 20an, Baztan aldera irteera.
- Abenduaren 11n, Ezkaba-Berriozar.
- Urtarrilaren 15ean, Igoin (Errenteria-Orereta).
- Otsailaren 12an, elurretara irteera.
- Martxoan (zehaztu gabe), Ibilaldi Neurtua.
- Apirilaren 23an, Aitzorrotz, Eskoriatza-Leintz Gatzaga.
- Maiatzaren 21ean, Zumaia-Deba.
- Ekainaren 17 eta 18an. Asteburuko irteera Jaizkibelera.
