Gurutze Gorria haur zaurgarriei bideratzeko kanpaina egiten ari da Alcampon
'Gosariak eta Askariak Bihotzarekin' izeneko kanpaina egingo dute aste honetan. Jasotako dirua beharra duten familiei banatuko diete.
150 boluntariok parte hartuko dute parte Araba, Bizkaia eta Gipuzkoan. Gurutze Gorria Gosariak eta Askariak Bihotzarekin hamargarren aldiz egiten ari da aste honetan. Horrela, larunbatera arte, Mamut merkatalguneko Alcampon dohaintzak jasoko dituzte.
1, 3, 5, 10 edo 20 euroko dohaintzak egin ditzakete herritarrek, hipermerkatuko kutxazainetan edo beraien webgunean. Kanpaina bukatutakoan, bildutako dirua familia zaurgarriei bideratuko diete, elikagaiak eros ditzaten.
Kanpaina Gurutze Gorriaren, Alcampo, Nhood, Oney eta Madrilgo Sukaldari eta Gozogileen Elkartearen (ACYRE) ekimenari esker sortu zen. Gurutze Gorriak jakinarazi duenez, bezeroek egindako dohaintzei gehitu behar zaizkie Alcampok (100.000 euro) eta Oneyk (3.000 euro) egindakoak.
Gurutze Gorriak familia zaurgarrien 436.000 eskaera jaso dituela adierazi du, eta kopuruak gora egin dezakeela uste dute, produktuen prezioen gorakada dela eta. “Etxebizitza zaurgarrietako ekonomien egoera, partzialki bada ere, arindu nahi dugu”, esan Toni Bruel Gurutze Gorriko koordinatzaile nagusiak.
