Salahdin Abdala Abdala Hanafiri harrera beroa egin diote udaletxean
Saharako Presoen eta Desagertuen Senideen Elkarteko eta era berean Nushatta Fundazioko kidearen errealitatea lehen eskutik ezagutzeko aukera izan dute gaur udal alderdietako bozeramaileek.
Salahdin Abdala Abdala Hanafi Saharako Presoen eta Desagertuen Senideen Elkarteko eta era berean Nushatta Fundazioko kideari harrera beroa egin diote gaur udaletxean. Bere errealitatea lehen eskutik ezagutzeko aukera izan dute udal alderdietako bozeramaileek. Goizeko ekitaldia Herribabes Sarearen IV. Foro Ibiltarian harira egin dute, beste zortzi udalekin batera foro horretan parte hartzen baitu Errenteria-Oreretakoak.
Sare honen helburua, gaurko ekitaldian gogoratu dutenez, “udal administrazioen, euskal gizarte erakundeen eta hegoalde globaleko giza eskubideen defendatzaileen erakundeen arteko ahaleginak koordinatzea” da, “tokian tokitik giza eskubideen defendatzaileen babesa sustatzeko asmoz”. Salahdin Abdala Abdala Hanafi Mendebaldeko Saharako eremu okupatuetan bizi izan da denbora luzez, sartu eta atera ibili da segurtasun arazoengatik. Egun, Zaragoza (Espainia) hiriko harrera plan batean dago gaurko protagonista.
