Heavyak Txerrimuñora iritsiko dira
The Hellectric Devilz eta Apaga y Vamonos taldeek kontzertua emango dute bihar (larunbata) Txerrimuño baserrian.
The Hellectric Devilz taldea. Heavy Jaia antolatu dute Txerrimuño baserrian biharko (hilak 8, larunbata). 20:30ean hasita, Ipar Euskal Herriko The Hellectric Devilz eta Irungo Apaga y Vamonos taldeek doinu latzen festari ekarpen musikala egingo diote euren kontzertuekin.
Sarreren prezioa bost eurokoa, baina hori erosterakoan elkartasun ekarpena egin beharko dute ikusleek: iraungitzen ez den jakiak eman behar dituzte, kilo bat gutxienez. Jaki horiek @odsgipuzkoa erakundeari bideratuko dizkiote beharra dutenen artean banatzeko.
Txerrimuñoko kontzertua sortu berri den Tabudemons Kultur Taldeak antolatu du. Euren asmoa da Gipuzkoan kultur ekitaldiak eta musika jaialdiak antolatzea.
